«Մանչեսթեր Յունայթեդի» լեգենդար դարաշրջանի ավարտը (ֆոտո)
15:45 20 հունվարի, 2018«Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն ասուլիսում հաստատել է, որ այս մրցաշրջանը վերջինը կլինի թիմի 36-ամյա անգլիացի կիսապաշտպան Մայքլ Կարիկի համար: Մոուրինյոն հույս է հայտնել, որ Կարիկը ֆուտբոլիստի կարիերայի ավարտից հետո, ամռանը կընդգրկվի իր մարզչական շտաբում:
2006 թվականին Լոնդոնի «Տոտենհեմից» «Մանչեսթեր Յունայթեդ» տեղափոխված Մայքլ Կարիկը լեգենդար շոտլանդացի մարզիչ Ալեքս Ֆերգյուսոնի չեմպիոնական կազմի վերջին ներկայացուցիչն է մանչեսթերյան սուպերակումբի այսօրվա կազմում:
Մայքլ Կարիկը «Մանչեսթեր Յունայթեդի» հետ դարձել է Անգլիայի հնգակի չեմպիոն, գավաթակիր, Անգլիական լիգայի գավաթի խաղարկության կրկնակի հաղթող, Անգլիայի վեցակի սուպերգավաթակիր, Չեմպիոնների լիգայի եւ Եվրոպայի լիգայի գավաթակիր, աշխարհի ակումբային չեմպիոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։