Միջազգային օլիմպիական կոմիտեն (ՄՕԿ) 111 ռուսաստանցի օլիմպիականների զրկել է Փհենչհանի ձմեռային Օլիմպիական խաղերի մասնակցության իրավունք ստանալու հնարավորությունից: Ռուսաստանի Օլիմպիական կոմիտեն ներկայացրել էր 500 օլիմպիականների ցուցակ, սակայն ՄՕԿ-ն այն կրճատել է՝ թողնելով հիմնականում ռուսական սպորտի նոր սերնդի ներկայացուցիչներին, որոնք հանդես չեն եկել 2014թ. Սոչիի ձմեռային Օլիմպիական խաղերում:
Ցուցակում մնացած մարզիկները պետք է դոպինգ թեստեր անցնեն: Դրանից հետո միայն որոշում կընդունվի նրանց մասնակցության վերաբերյալ:
Հարավային Կորեա մեկնելու իրավունքից զրկվել են նաեւ 51 ռուսաստանցի մարզիչներ եւ 10 բուժաշխատողներ:
Հիշեցնենք, որ Ռուսաստանը դոպինգի համակարգային կիրառման մեղադրանքով զրկվել է Փհենչհանի Օլիմպիական խաղերին առանձին պատվիրակությամբ եւ սեփական դրոշով մասնակցելու իրավունքից:
Պհենչհանի Օլիմպիական խաղերը կմեկնարկեն փետրվարի 9-ին, կավարտվեն փետրվարի 25-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։