Յուրգեն Կլոպ. «Մանչեսթեր Սիթին» գումարի պատճառով չի հրաժարվել Սանչեսից
20:57 19 հունվարի, 2018«Լիվերպուլի» գերմանացի գլխավոր մարզիչ Յուրգեն Կլոպը չի ընդունում վարկածը, թե «Մանչեսթեր Սիթին» չիլիացի հարձակվող Ալեքսիս Սանչեսից հրաժարվել է 35 միլիոն ֆունտ ստերլինգ տրանսֆերային արժեքի եւ բարձր աշխատավարձի պահանջի պատճառով:
«Ոչինչ չեմ կարող ասել Սանչեսի հետ կապված ֆինանսական գործերի վերաբերյալ, սակայն չեմ հավատում, որ «Սիթին» խաղացողի համար պայքարից դուրս է եկել ֆինանսական պատճառով: Այստեղ պատճառն այլ է: Երբ ֆուտբոլիստը սկսեց ընտրություն կատարել երկու մանչեսթերյան ակումբների միջեւ, «Սիթիում» որոշեցին, որ Սանչեսն իրենց պետք չէ: Իհարկե, 100 տոկոս վստահ չեմ, որ հենց այս է պատճառը, բայց վստահ եմ, որ ֆինանսական պատճառ չկա»,- Յուրգեն Կլոպի խոսքը մեջբերում է independent-ը:
Հունվարի 18-ին «Արսենալի» ֆրանսիացի գլխավոր մարզիչ Արսեն Վենգերը հաստատել էր, որ Սանչեսը կտեղափոխվի «Մանչեսթեր Յունայթեդ», իսկ Հենրիխ Մխիթարյանը՝ «Արսենալ»: Սակայն գործարքը դեռ չի կայացել:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.