Ադեբայոր. «Արսենալին» ատում եմ Վենգերի պատճառով

11:45   19 հունվարի, 2018

«Արսենալի», Մադրիդի «Ռեալի» ու «Մանչեսթեր Սիթիի» նախկին հարձակվող Էմանուել Ադեբայորը պատմել է, թե ինչու է ատում լոնդոնյան ակումբին: Թուրքական «Իստանբուլ Բաշակշեհիրի» 33-ամյա ֆուտբոլիստի խոսքով՝ դրան նպաստել է «Արսենալի» գլխավոր մարզիչ Արսեն Վենգերը:

«Ինձ դուր է գալիս Ժոզե Մոուրինյոն: Նա ամենաարդար մարզիչներից է, որի հետ երբեւէ աշխատել եմ: Մարզիչներից շատերը երկերեսանի են: Որպես օրինակ կհիշատակեմ Արսեն Վենգերին: Նա ինձ կանչեց գրասենյակ եւ ասաց, որ պետք է հեռանամ «Արսենալից»: Ես ցանկանում էի պայքարել մեկնարկային կազմում տեղ ունենալու համար, բայց նա ասաց, որ ես շանս չունեմ: Ես չէի ցանկանում հեռանալ, բայց Վենգերը նշեց, որ մնալու դեպքում ընդհանրապես չեմ խաղալու: Արդյունքում՝ ես տեղափոխվեցի «Մանչեսթեր Սիթի», իսկ հաջորդ օրը նա ասուլիսում հայտարարեց, թե հեռացել եմ փողի համար: Դրանից հետո սկսեցի ատել «Արսենալը»,- Ադեբայորի խոսքը մեջբերում է Mirror-ը:

Հիշեցնենք, որ 2006-2009-ը Էմանուել Ադեբայորն «Արսենալի» կազմում անցկացրել է 142 հանդիպում եւ դարձել 62 գոլի ու 22 գոլային փոխանցման հեղինակ:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։