Մադրիդի «Ռեալի» գլխավոր մարզիչ Զինեդին Զիդանը մեկնաբանել է «Լեգանեսի» նկատմամբ նվազագույն հաշվով հաղթանակն Իսպանիայի գավաթի խաղարկության քառորդ եզրափակիչի առաջին խաղում:
«Ստացվեց լուրջ խաղ, եւ սա լավ արդյունք էր մեզ համար: Մեզ համար բարդ էր ցուցադրել մեր լավագույն խաղը, սակայն երկրորդ խաղակեսում ավելի լավն էինք եւ կարողացանք գոլ խփել: Միեւնույն ժամանակ, չի կարելի ասել, որ «Ռեալն» անցկացրեց հրաշալի հանդիպում, բայց մենք կարեւոր հաղթանակի հասանք այն ֆուտբոլիստների հետ, որոնք քիչ են խաղում»,- Զիդանի խոսքը մեջբերում է Marca-ն:
Հիշեցնենք, որ պատասխան հանդիպումը կկայանա հունվարի 24-ին Մադրիդում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։