«Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանի գործակալ Մինո Ռայոլան ժամանել է Լոնդոն «Արսենալի» հետ գործարքն ավարտելու նպատակով: Իտալացի գործակալը լոնդոնյան ակումբի ներկայացուցիչների հետ կքննարկի Մխիթարյանի անձնական պայմանագրի կետերը, հաղորդում է The Sun-ը:
Բրիտանական մամուլը գրել էր, որ տրանսֆերը ձգձգվում է «Արսենալի» ֆինանսական պահանջների պատճառով: Չիլիացի հարձակվող Ալեքսիս Սանչեսի դիմաց Հենրիխ Մխիթարյանի տրանսֆերային իրավունքը ստանալուց բացի, «Արսենալը» ցանկանում է նաեւ լրացուցիչ 10 միլիոն ֆունտ ստերլինգ:
Մխիթարյանը հունվարի 18-ին մասնակցել է «Մանչեսթեր Յունայթեդի» մարզմանը:
Հունվարի 18-ին տեղի ունեցած մամուլի ասուլիսի ժամանակ «Արսենալի» ֆրանսիացի գլխավոր մարզիչ Արսեն Վենգերը հայտարարել է, որ հավանում է 28-ամյա հայ ֆուտբոլիստի խաղը:
Ոչ պաշտոնական տվյալներով, Մխիթարյանը «Արսենալի» հետ կկնքի չորս տարվա պայմանագիր եւ կստանա շաբաթական 130 հազար ֆունտ ստերլինգ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։