Մեսին՝ Ռոնալդինյոյին. Հավերժ շնորհակալ կլինեմ քեզ
00:20 18 հունվարի, 2018«Բարսելոնայի» արգենտինացի հարձակվող Լիոնել Մեսին Ինստագրամում արած գրառումով շնորհակալություն է հայտնել Բրազիլիայի հավաքականի եւ «Բարսելոնայի» նախկին հարձակվող Ռոնալդինյոյին, որը պաշտոնապես ավարտել է կարիերան:
«Շատ բան եմ քեզնից սովորել: Հավերժ շնորհակալ կլինեմ քեզ, որ արել ես հնարավոր ամեն ինչ, որպեսզի իմ կարիերայի սկզբում «Բարսելոնայի» հանդերձարանում ինձ թեթեւ զգամ: Բախտ եմ ունեցել քեզ հետ կիսել շատ բաներ: Դու ոչ միայն հրաշալի ես վարվում գնդակի հետ, այլեւ որ ամենակարեւորն է՝ հրաշալի մարդ ես: Ֆուտբոլը երբեք չի մոռանա քո ժպիտը: Մաղթում եմ ամենալավը»,- գրել է Մեսին:
Ռոնալդինյոյի վերջին ակումբը բրազիլական «Ֆլումինենսեն» էր, որը նա լքել էր 2015թ. սեպտեմբերին: Բրազիլացին հանդես է եկել նաեւ «Գրեմիոյում», ՊՍԺ-ում, «Միլանում», «Ֆլամենգոյում», «Աթլետիկո Մինեյրոյում» եւ «Կերետարոյում»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։