Խառը մենամարտերի իռլանդացի մարզիկ Քոնոր Մաքգրեգորը զրկվել է UFC-ի թեթեւ քաշային կարգում չեմպիոնական գոտուց, որի համար կմենամարտեն ռուսաստանցի Խաբիբ Նուրմագոմեդովը եւ ամերիկացի Տոնի Ֆերգյուսոնը, հայտնում է «ТАСС»-ը:
Նուրմագոմեդովի եւ Ֆերգյուսոնի միջեւ մենամարտը կանցկացվի ապրիլի 7-ին Նյու Յորքում: Քոնոր Մաքգրեգորը զրկվել է տիտղոսից, քանի որ երկար ժամանակ չի պաշտպանում այն: UFC-ի նախագահ Դեյն Ուայթը հայտարարել է, որ ելույթները սկսելուց հետո իռլանդացի մարտիկը կունենա չեմպիոնական մենամարտ անցկացնելու հնարավորություն:
Հիշեցնենք, որ Խաբիբ Նուրմագոմեդովը եւ Տոնի Ֆերգյուսոնը պետք է հանդիպեին նախորդ տարվա մարտին, սակայն մենամարտը հետաձգել էր, քանի որ ռուսաստանցի մարտիկը քաշ գցելիս վատ էր զգացել շոգեբաղնիքում եւ տեղափոխվել հիվանդանոց:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։