Անգլիայում առաջին անգամ գոլն արձանագրել է VAR համակարգի միջոցով
10:45 17 հունվարի, 2018Անգլիական ֆուտբոլում առաջին անգամ գոլն արձանագրել է VAR համակարգը (մրցավարի վիդեոօգնական) օգտագործելուց հետո: Դա տեղի է ունեցել «Լեսթերի» եւ «Ֆլիտվուդի» միջեւ ֆուտբոլի Անգլիայի գավաթի խաղարկության 1/32 եզրափակիչի պատասխան խաղում:
76-րդ րոպեին «Լեսթերի» նիգերիացի հարձակվող Կելեչի Իհեանաչոն գրավել է դարպասը, սակայն եզրային մրցավարն արձանագրել է խաղից դուրս վիճակ: VAR համակարգով կրկնապատկերը դիտելուց հետո գոլն արձանագրվել է:
Այդ խաղում «Լեսթերն» Իհեանաչոյի դուբլի օգնությամբ տնային հաղթանակ է տարել 2:0 հաշվով եւ դուրս եկել 1/16 եզրափակիչ, որտեղ կմրցի «Պիտերբորո Յունայթեդի» հետ:
Հիշեցնենք, որ նախորդ տարի Կելեչի Իհեանաչոն դարձել էր առաջին ֆուտբոլիստը, որն Անգլիայի Գավաթի խաղում դարձել էր իր թիմի չորրորդ փոխարինումը: «Մանչեսթեր Սիթին» լրացուցիչ ժամանակում օգտվել էր չորրորդ փոխարինում կատարելու հնարավորությունից եւ դաշտ դուրս բերել նիգերիացի հարձակվողին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։