«Սթոք Սիթիի» դեմ Անգլիայի առաջնության 23-րդ տուրի հանդիպումից առաջ «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն բացատրել է, թե ինչու հայտացուցակում չի ընդգրկել Հայաստանի հավաքականի ավագ Հենրիխ Մխիթարյանին:
«Կստեմ, եթե ասեմ, որ դա մարտավարական որոշում է: Պարզապես, մենք որոշել ենք հայտավորել այն ֆուտբոլիստներին, որոնք հիմա կենտրոնացած են «Մանչեսթեր Յունայթեդում» մրցելույթի վրա: Գիտեմ, որ ֆուտբոլիստի համար բարդ է խաղալ, երբ նա դեռ չի կողմնորոշվել իր ապագայի հարցում: Այս գործոնը դարձել է ճնշման պատճառ: Մենք որոշել ենք պաշտպանել Մխիթարյանին: Հայտացուցակում նրան չընդգրկելը լավագույն լուծում է խաղացողի եւ թիմի համար»,- Մոուրինյոյի խոսքը մեջբերում է Daily Star-ը:
Հիշեցնենք, որ բրիտանական մամուլի տվյալներով, Մխիթարյանը հնարավոր է հայտնվի «Արսենալում»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։