Մոուրինյո. Իբրահիմովիչը կվերադառնա փետրվարին
15:29 13 հունվարի, 2018«Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն պատմել է թիմի շվեդ հարձակվող Զլատան Իբրահիմովիչի վերականգնման ընթացքի մասին:
«Զլատանը կարողացավ ծանր վնասվածքից հետո դուրս գալ խաղադաշտ, սակայն խաղաժամանակ ստանալուց հետո դժգոհ մնաց իր մարզավիճակից: Իբրահիմովիչը կկարողանա վերադառնալ մարզումներին, երբ շատ լավ զգա: Թիմի հետ նրա մարզումները կվերսկսվեն փետրվարին: Հույս ունենք, որ նա շուտով կլինի կազմում:
Ակսել Տուանզեբեն շատ լավ ֆուտբոլիստ է, որը մեր կազմում չունի շատ խաղալու հնարավորություն: Սակայն մենք չենք հրաժարվի նրա նման տաղանդավոր խաղացողից: Հնարավոր է՝ մինչեւ մրցաշրջանի ավարտը նա վարձակալությամբ խաղա այլ թիմում: Բայց մենք մտավախություն ունենք, քանի որ վնասվածքով է Էրիկ Բային: Մյուս ֆուտբոլիստները եւս երաշխավորված չեն վնասվածքներից: Այդ պատճառով Տուանզեբեի վերաբերյալ որոշում կլինի տրանսֆերային պատուհանի փակվելուց առաջ»,- Մոուրինյոյի խոսքը մեջբերում է անգլիական ակումբի պաշտոնական կայքը:
Այս շաբաթ Դուբայում վերականգնողական հավաք անցկացրած «Մանչեսթեր Յունայթեդը» հունվարի 15-ին Անգլիայի առաջնության 23-րդ տուրի խաղում կընդունի «Սթոք Սիթիին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։