Ֆրանսիական ՊՍԺ-ի եւ Բրազիլիայի հավաքականի հարձակվող Նեյմարը ստիպված կլինի ներկայանալ դատարան 2013 թվականին բրազիլական «Սանթոսից» կատալոնական «Բարսելոնա» տեղափոխության ժամանակ ֆինանսական մեքենայության գործով: Դատարանում պատասխան կտան նաեւ «Բարսելոնայի» նախկին եւ ներկա նախագահներն ու Նեյմարի հայրը, հաղորդում է El Pais-ը:
Գործարքի մասնակիցներին դատի է տվել DIS ներդրումային հիմնադրամը, որին պատկանել է Նեյմարի տրանսֆերային իրավունքի մի մասը: Հիմնադրամը համոզված է, որ պաշտոնապես ներկայացված տրանսֆերային գինը չի համապատասխանում «Բարսելոնայի» վճարած գումարի ամբողջ չափին: Նեյմարի տրանսֆերի արժեքը ձեւակերպվել էր 57,1 միլիոն եվրո: Հետագայում հաստատվել էր, որ կատալոնական ակումբը ավելի շատ է վճարել, իսկ DIS հիմնադրամը չի ստացել իր բաժինը ամբողջությամբ:
Նեյմարին սպառնում է մինչեւ 2 տարվա ազատազրկում եւ 10 միլիոն եվրոյի տուգանք:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։