Անտոնիո Կոնտե. Ալեքսիս Սանչեսի նորմալ գինը 80-90 միլիոն ֆունտ է
12:47 13 հունվարի, 2018Լոնդոնի «Չելսիի» իտալացի գլխավոր մարզիչ Անտոնիո Կոնտեն Լոնդոնի «Արսենալի» չիլիացի հարձակվող Ալեքսիս Սանչեսին այս ամիս ձեռք բերելը համարում է լավ ներդրում:
29-ամյա ֆուտբոլիստին այս ամիս չվաճառելու դեպքում, «Արսենալը» նրան բաց կթողնի անվճար ամռանը: Ավարտվում է Սանչեսի պայմանագիրը: Նրան ձեռք բերելու ցանկություն ունի «Մանչեսթեր Սիթին», որն առաջարկում է 25 միլիոն ֆունտ ստերլինգ: Սանչեսին ձեռք բերելու փորձեր է ձեռնարկում նաեւ «Մանչեսթեր Յունայթեդը»:
«Մենք խոսում ենք համաշխարհային մակարդակի ֆուտբոլիստի մասին: Նրան հիմա հնարավոր է գնել մոտ 20 միլիոն ֆունտ ստերլինգով, իսկ Սանչեսի նորմալ գինը 80-90 միլիոն ֆունտ է: Նա գերազանց խաղացող է: Դեռ «Յուվենտուսում» իմ առաջին մրցաշրջանի ժամանակ ցանկանում էինք նրան գնել «Ուդինեզեից», սակայն Սանչեսը ընտրեց «Բարսելոնան»: Ինձ հիացնում է նրա խաղը»,- Կոնտեի խոսքը մեջբերում է Telegraph-ը:
Այս մրցաշրջանում Սանչեսը մասնակցել է 22 հանդիպման, խփել 8 գոլ, կատարել 3 գոլային փոխանցում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։