Աշխարհի ավագագույն պրոֆեսիոնալ ֆուտբոլիստը երկարաձգել է պայմանագիրը «Յոկոհամայի» հետ
22:15 12 հունվարի, 2018Աշխարհի ավագագույն պրոֆեսիոնալ ֆուտբոլիստ Կացույոսի Միուրան երկարաձգել է պայմանագիրը «Յոկոհամայի» հետ, որը հանդես է գալիս Ճապոնիայի երկրորդ դիվիզիոնում, հաղորդում է ՖԻՖԱ-ի պաշտոնական կայքը:
Փետրվարի 26-ին Կացույոսի Միուրան կդառնա 51 տարեկան: Նա կանցկացնի պրոֆեսիոնալ կարիերայի 33-րդ մրցաշրջանը: Անցած մրցաշրջանում Միուրան մասնակցել է 12 հանդիպման, խփել 1 գոլ:
Ճապոնացի ֆուտբոլիստը պրոֆեսիոնալ մակարդակում նորամուտը նշել է 1986 թվականին բրազիլական «Սանտոսում»: Ճապոնիայի ազգային հավաքականում անցկացրած 89 խաղում խփել է 55 գոլ:
2017թ. մարտին Միուրան բարելավեց անգլիացի Սթենլի Մեթյուզի ռեկորդը` դառնալով պատմության մեջ ավագագույն պրոֆեսիոնալ ֆուտբոլիստը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։