Կապելո. Մոուրինյոյին նյարդայնացնում է «Մանչեսթեր Սիթիի» առավելությունը

21:11   12 հունվարի, 2018

Չինական «Ցզյանսու Սունին» ակումբի իտալացի գլխավոր մարզիչ Ֆաբիո Կապելոն մեկնաբանել է «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոյի եւ Լոնդոնի «Չելսիի» իտալացի գլխավոր մարզիչ Անտոնիո Կոնտեի հեռակա բանավեճն ու վիրավորական արտահայտությունները:

«Կոնտեն չհասկացավ, թե ում հետ գործ ունի: Երկուսն էլ խելագարվել են: Նույնիսկ, չէի կարող պատկերացնել, որ այդ ամենն այդքան երկար կշարունակվի: Մոուրինյոն այսպիսի իրավիճակներում ամեն ինչ մտածված է անում: Հնարավոր է` նա փորձում է շեղել ուշադրությունը իր ղեկավարած թիմից: Բոլորս հիշում ենք, թե ինչպես էր նա ծնկի իջնում խաղադաշտի եզրին, վազում ամբողջ երկայնքով: Ես լավ եմ նրան ճանաչում: Կարծում եմ` Մոուրինյոն նյարդայնանում է մրցաշարային աղյուսակում «Մանչեսթեր Սիթիի» մեծ առավելության պատճառով»,- Կապելոյի խոսքը մեջբերում է Sky Sport Italia-ն:

Անգլիայի առաջնության 22 տուրից հետո «Մանչեսթեր Յունայթեդը» 47 միավորով երկրորդ տեղում է` առաջատար «Մանչեսթեր Սիթիին» զիջելով 15 միավոր: Եռյակը եզրափակող «Չելսին» ունի 46 միավոր:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։