Տիգրան Եսայան. Շուտով «Արցախին» կմիանան 3-4 լեգեոնականներ

18:50   11 հունվարի, 2018

Ֆուտբոլի Հայաստանի Առաջին լիգայում հանդես եկող «Արցախի» գլխավոր մարզիչ Տիգրան Եսայանը պատմել է թիմի նորությունների եւ նպատակների մասին:

«Նոր մրցաշրջանին ընդառաջ «Արցախում» տեղի են ունեցել փոփոխություններ: Կան ֆուտբոլիստներ, որոնք դուրս են եկել, կան խաղացողներ, որոնցից մենք ենք հրաժարվել, նաեւ ունենք նոր ֆուտբոլիստներ, որոնք պետք է անցնեն փորձաշրջան:

Մեր 3 լեգեոներները կմնան թիմում, 3-4 լեգեոներ էլ շուտով կմիանան մեզ: Հիմնականում, Ռուսաստանից են: Մեր խնդիրն է՝ կատարել ճիշտ ընտրություն: Տրամադրված ենք շատ լուրջ, նախկինի սխալները չպետք է կրկնել: Պետք է ձեւավորենք ավելի ամուր, հզոր թիմ եւ նոր մրցաշրջանում ապահովենք մեր առջեւ դրված խնդիրը՝ առաջին տեղը»,- Տիգրան Եսայանի խոսքը մեջբերում է ակումբի մամուլի ծառայությունը:

Մրցաշրջանի առաջին կեսից հետո «Արցախը» 31 միավորով երկրորդ տեղում է եւ առաջատար «Լոռիին» զիջում է 1 միավոր:



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.