Կասպարովի «Պատանի աստղեր» ծրագիրը տաղանդավոր երեխաների է հրավիրում բոլոր երկրներից

Շախմատի աշխարհի 13-րդ չեմպիոն Գարի Կասպարովի շախմատային հիմնադրամն ու ԱՄՆ-ի Սենթ Լուիս քաղաքի շախմատային եւ կրթական կենտրոնը սկսել են նոր ծրագիր` «Պատանի աստղեր»:

Այն ընդունում է շախմատային տաղանդ ունեցող երեխաների հայտեր բոլոր երկրներից: Մրցույթին մասնակցելու համար 9-13 տարեկան շախմատիստները պետք է ներկայացնեն իրենց նվաճումները, մարզիկների, ֆեդերացիայի եւ որակավորում ունեցող հասակակիցների հանձնարարական նամակներ եւ 100 դոլար հայտագումար:

Մրցույթի հաղթողները հնարավորություն կստանան մարզվել Կասպարովի հետ:

Նման ծրագիր Կասպարովն ու Սենթ Լուիսի կենտրոնն արդեն իրականացնում են ԱՄՆ-ի երեխաների համար: