Մադրիդի «Աթլետիկոն» քառորդ եզրափակիչում է
00:20 10 հունվարի, 2018Ֆուտբոլի Իսպանիայի գավաթի խաղարկության 1/8 եզրափակիչի պատասխան խաղում Մադրիդի «Աթլետիկոն» ընդունել է «Լիեյդային» (Սեգունդա Բ՝ երրորդ դիվիզիոն) եւ առավելության է հասել 3:0 հաշվով:
57-րդ րոպեին իսպանացի հարձակվող Դիեգո Կոստայի փոխանցումից հետո աչքի է ընկել բելգիացի կիսապաշտպան Յանիկ Ֆերեյրա-Կարասկոն: 74-րդ րոպեին հաշիվը կրկնապատկել է ֆրանսիացի հարձակվող Կեւին Գամեյրոն, որն օգտագործել է արգենտինացի հարձակվող Անխել Կոռեայի փոխանցումը: 61-րդ րոպեին Կոռեան փոխարինել էր Ֆերեյրա-Կարասկոյին, Գամեյրոն՝ Կոստային: 81-րդ րոպեին իսպանացի կիսապաշտպան Վիտոլոն հաշիվը դարձրել է 3:0: Գոլային փոխանցումը կատարել է իսպանացի հարձակվող Ֆերնանդո Տորեսը:
Արգենտինացի Դիեգո Սիմեոնեի գլխավորած թիմը դուրս եկավ քառորդ եզրափակիչ: Առաջին խաղում «Աթլետիկոն» հաղթել էր 4:0 հաշվով:
Իսպանիայի Գավաթ, 1/8 եզրափակիչ, երկրորդ հանդիպում
«Աթլետիկո Մադրիդ» - «Լիեյդա»՝ 3:0 (առաջին հանդիպում՝ 4:0)
Յանիկ Ֆերեյրա-Կարասկո, 57, Կեւին Գամեյրո, 74, Վիտոլո, 81
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.