Մեսին ու Սուարեսը չեն օգնի «Բարսելոնային», Ռամոսն ու Ռոնալդուն՝ «Ռեալին»

17:32   4 հունվարի, 2018

Մադրիդի «Ռեալն» ու «Բարսելոնան» ներկայացրել են հայտացուցակները Իսպանիայի գավաթի խաղարկության 1/8 եզրափակիչի առաջին հանդիպումներին, որոնք տեղի կունենա հունվարի 4-ին։

Արքայական ակումբի ֆրանսիացի գլխավոր մարզիչ Զինեդին Զիդանը «Նումանսիայի» դեմ արտագնա խաղին չի հայտավորել  թիմի առաջատարներ, պորտուգալացի հարձակվող Կրիշտիանու Ռոնալդուին եւ իսպանացի պաշտպան Սերխիո Ռամոսին։

«Նումանսիա» - «Ռեալ» հանդիպումը կմեկնարկի Երեւանի ժամանակով կեսգիշերին։

«Բարսելոնայի» իսպանացի գլխավոր մարզիչ Էռնեստո Վալվերդեն Վիգոյի «Սելտայի» դեմ խաղում հանգստանալու հնարավորություն է տվել հարձակման առաջատարներ, արգենտինացի Լիոնել Մեսիին, ուրուգվայցի Լուիս Սուարեսին եւ թիմի ավագ, իսպանացի կիսապաշտպան Անդրես Ինյեստային։

«Սելտա» - «Բարսելոնա» հանդիպումը կմեկնարկի Երեւանի ժամանակով 22։00-ին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։