Սաուդյան Արաբիայի մայրաքաղաք Էր Ռիյադում շարունակվող արագ շախմատի աշխարհի առաջնությունում տեղի են ունեցել 6-ից 10-րդ տուրերի պարտիաները:
Հայաստանի ներկայացուցիչներից լավագույն արդյունքն ունի Տիգրան Լ. Պետրոսյանը, որը վաստակել է 6.5 միավոր եւ բաժանում է 10-24-րդ տեղերը: Գաբրիել Սարգսյանը եւ Հրանտ Մելքումյանն ունեն 6-ական միավոր եւ բաժանում են 25-41-րդ տեղերը:
Լեւոն Արոնյանն ու Սերգեյ Մովսեսյանը 5.5-ական միավորով բաժանում են 42-58-րդ տեղերը: Զավեն Անդրիասյանն ունի 5 միավոր եւ բաժանում է 59-82-րդ տեղերը:
Միանձնյա առաջատարը ռուսաստանցի Վլադիմիր Ֆեդոսեեւն է՝ 8 միավոր:
Կանանց առաջնությունում Հայաստանի հավաքականի առաջատար Էլինա Դանիելյանը 7.5 միավորով բաժանում է 2-4-րդ տեղերը ռուսաստանցի Ալեքսանդրա Գորյաչկինայի եւ վրացի Նանա Ձագնիձեի հետ: Միանձնյա առաջատարը չինացի Յու Վենյունն է՝ 8:
Լիլիթ Մկրտչյանը 5.5 միավորով բաժանում է 32-41-րդ տեղերը, Լիլիթ Գալոյանը վաստակել է 4.5 միավոր (60-74-րդ տեղեր), Մարիա Գեւորգյանը՝ 4 միավոր (75-83-րդ տեղեր):
Դեկտեմբերի 28-ին տեղի կունենա վերջին հինգ տուրերը: Դեկտեմբերի 29-ին կմեկնարկի կայծակնային խաղի աշխարհի առաջնությունը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։