Սպորտի փոխնախարար. Ամեն ինչ թափանցիկ եւ արդար ստացվեց
20:03 25 դեկտեմբերի, 2017Կարծում եմ, ամեն ինչ թափանցիկ եւ արդար ստացվեց, ասել է Հայաստանի սպորտի փոխնախարար Արսեն Քարամյանը՝ NEWS.am Sport-ի թղթակցի հետ զրույցում դրական գնահատելով «Տարվա 10 լավագույն մարզիկների» քվեարկության ընթացքը եւ արդյունքները: Այն առաջին անգամ կազմակերպել էր Սպորտի նախարարությունը:
«Սա այն տասնյակն է, որին ընտրել է հանրությունը եւ մարզական լրագրողները: Միայն դժգոհ եմ sms քվեարկության մասնակիցների քանակից (29092 հաղորդագրություն), քանի որ ակնկալում էինք ավելի շատ մասնակցություն: Արդեն հաջորդ տարի մեծ աշխատանք կիրականցնենք քարոզչության վրա, որպեսզի մարդիկ ավելի շատ տեղյակ լինեն sms քվեարկության մասին եւ շատ մասնակցեն»,- ասաց Արսեն Քարամյանը:
Հարցին, թե հնարավոր է ստանալ sms քվեարկության մասնակից բջջային օպերատորների քաղվածքները եւ յուրաքանչյուր մարզիկի ստացած ձայների քանակը, Արսեն Քարամյանը նշեց, որ հարկ եղած դեպքում կներկայացվեն քաղվածքները:
«Նույնիսկ կարող ենք ստանալ, թե ով ինչ համարից է ձայն ստացել»,- շեշտեց Քարամյանը:
NEWS.am Sport-ը չի մասնակցել քվեարկությանը:
Լավագույն մարզիկների պարգեւատրումը տեղի կունենա դեկտեմբերի 27-ին Կարեն Դեմիրճյանի անվան մարզահամերգային համալիրում:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.