Հենրիխ Մխիթարյանը հաղթեց Հայաստանի տարվա լավագույն մարզիկի քվեարկությունում (ֆոտո)
18:19 25 դեկտեմբերի, 2017Անգլիական «Մանչեսթեր Յունայթեդի» կիսապաշտպան Հենրիխ Մխիթարյանը կարիերայում առաջին անգամ հաղթեց Հայաստանի տարվա լավագույն մարզիկի քվեարկությունում:
Հայաստանի սպորտի եւ երիտասարդության հարցերի նախարարության անցկացրած «Տարվա 10 լավագույն մարզիկների» մրցույթում ֆուտբոլի Հայաստանի հավաքականի ավագը գերազանցեց օլիմպիական չեմպիոն Արթուր Ալեքսանյանին, որն այս տարի երրորդ անգամ դարձել էր հունահռոմեկան ոճի ըմբշամարտի աշխարհի չեմպիոն։ Լավագույն եռյակը եզրափակեց հայկական շախմատի առաջատար Լեւոն Արոնյանը, որը դարձել էր աշխարհի գավաթակիր եւ նվաճել 2018թ. հավակնորդների մրցաշարի ուղեգիր:
Տարվա լավագույն մարզիկների տասնյակը կազմվեց sms քվեարկության եւ մարզական լրագրողների (NEWS.am Sport-ը չի մասնակցել) քվեարկության արդյունքում: Լրագրողների քվեարկությամբ առաջին տեղում հայտնվեց Արթուր Ալեքսանյանը, իսկ Հենրիխ Մխիթարյանը մեծ առավելությամբ հաղթեց sms քվեարկությամբ, որը մեկնարկել էր դեկտեմբերի 11-ից: Ընդհանուր առմամբ, երկրպագուներն ուղարկել են 29092 հաղորդագրություն:
Հիշեցնենք, որ տարվա լավագույն մարզիկների մեծարման երեկոն տեղի կունենա դեկտեմբերի 27-ին Կարեն Դեմիրճյանի անվան մարզահամերգային համալիրում:
Հայաստանի 2017թ. 10 լավագույն մարզիկները
1. Հենրիխ Մխիթարյան - 9897.62 միավոր (ֆուտբոլ)
2. Արթուր Ալեքսանյան - 7686.50 (հունահռոմեական ըմբշամարտ)
3. Լեւոն Արոնյան - 6148.59 (շախմատ)
4. Գրիգոր Մխիթարյան - 4568.93 (սամբո)
5. Մաքսիմ Մանուկայն - 4377.62 (հունահռոմեական ըմբշամարտ)
6. Հովհանանես Բաչկով - 3953.65 (բռնցքամարտ)
7. Սիմոն Մարտիրոսյան - 3683.72 (ծանրամարտ)
8. Էդգար Ստեփանյան - 2503.92 (հեծանվասպորտ)
9. Արթուր Թովմասյան - 2485.95 (մարմնամարզություն)
10. Տիգրան Կրակոսյան - 2196.90 (սամբո)
Լրագրողների քվեարակություն
Sms քվեարկություն
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.