Լոնդոնի «Արսենալը» ցանկանում է ձմեռային տրանսֆերային պատուհանի ընթացքում ձեռք բերել «Մանչեսթեր Յունայթեդի» կիսապաշտպան Հենրիխ Մխիթարյանին, գրում է tribalfootball.com-ը:
Լոնդոնյան ակումբի գլխավոր մարզիչ Արսեն Վենգերը Հայաստանի հավաքականի ավագին դիտարկում է որպես չիլիացի հարձակվող Ալեքսիս Սանչեսին փոխարինող: «Մանչեսթեր Յունայթեդը» պատրաստ է Մխիթարյանից բաժանվել 35 միլիոն ֆունտ ստերլինգի դիմաց:
Վերջին շրջանում 28-ամյա կիսապաշտպանը հազվադեպ է խաղալու հնարավորություն ստանում անգլիական ակումբում: Նա հայտավորվել է «Մանչեսթեր Յունայթեդի» նախորդ 11 խաղերից միայն երեքին՝ 3 դեպքում էլ դուրս գալով փոխարինման: Հենրիխ Մխիթարյանի ծառայություններով հետաքրքրված են նաեւ իտալական «Ինտերը», Լոնդոնի «Տոտենհեմը» եւ նրա նախկին ակումբ Դորտմունդի «Բորուսիան»:
Հիշեցնենք, որ Դոնեցկի «Շախտյորում» հանդես գալու տարիներին Հենրիխ Մխիթարյանը հայտարարել էր, որ Լոնդոնի «Արսենալում» խաղալը եղել է իր երազանքը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։