Էդուարդ Վարդանյանը պարտվել է սկանդալային մենամարտում

Մոսկվայում անցկացվել է խառը մենամարտերի ACB 77 մրցաշարը, որը կլինի տարվա լավագույն մրցաշարերի հավակնորդների թվում:

Երեկոյի գլխավոր մենամարտում հանդիպել են Ռուսաստանի ներկայացուցիչներ Աբդուլ-Ազիզ Աբդուլվահաբովը եւ Էդուարդ Վարդանյանը:

Այս մարտիկները հանդիպել էին նաեւ 2016-ին, երբ Աբդուլվահաբովը հաղթանակի էր հասել տեխնիկական նոկաուտով:

Ռեւանշ մենամարտում վիճարկվում էր թեթեւ քաշային կարգի չեմպիոնի տիտղոսը, որը պատկանում էր Աբդուլ-Ազիզ Աբդուլվահաբովին: Առաջին ռաունդում առավելություն է ունեցել Աբդուլվահաբովը, իսկ երկրորդում ակնհայտ է եղել հայ մարտիկի առավելությունը: Երրորդ ռաունդում Էդուարդ Վարդանյանը գործում էր երկրորդ համարով եւ անցկացրեց ավելի շատ դիպուկ հարվածներ: Չորրորդ ռաունդը եւս շատ նման էր նախորդին եւ այն եւս կարելի է գրանցել հայ մարտիկի օգտին: Վերջին ռաունդում Աբդուլվահաբովը նետվեց առաջ եւ ուներ առավելություն:

Վերջում երկրպագուներին զարմացրեց մրցավարների որոշումը: 3 մրցավարներ նախապատվությունը տվեցին գործող չեմպիոնին, իսկ երկուսը՝ Էդուարդ Վարդանյանին:

«Էդուարդի հաղթանակը գողացան Մայրբեկ Հասիեւի գլխավորած պրոմոուշենում ավելի սիրված մարտիկի օգտին»,- մենամարտի մասին գրում է ռուսական sovsport.ru-ն: