UFC-ն համագործակցություն կառաջարկի Ֆլոյդ Մեյվեզերին
22:56 20 դեկտեմբերի, 2017Պրոֆեսիոնալ բռնցքամարտի կարիերան ավարտած Ֆլոյդ Մեյվեզերը, հնարավոր է, հանդես գա խառը մենամարտերի UFC-ում՝ Բացարձակ մարտական առաջնությունում: Այդ մասին հայտնել է կազմակերպության նախագահ Դանա Ուայթը:
«Մենք հետաքրքրված ենք Ֆլոյդ Մեյվեզերի հետ համագործակցությամբ: Նրա եւ Քոնոր Մաքգրեգորի մենամարտը տեղի ունեցավ: Այնպես որ հիմա ամեն ինչ հնարավոր է»,- Ուայթի խոսքը մեջբերում է ESPN-ը:
Պրոֆեսիոնալ բռնցքամարտի հինգ քաշային կարգերի աշխարհի նախկին չեմպիոն Ֆլոյդ Մեյվեզերը (50 հաղթանակ, 0 պարտություն, 27 նոկաուտ) հերքել էր լուրերը, թե պատրաստվում է եւս մեկ մենամարտ անցկացնել պրոֆեսիոնալ ռինգում:
Ամերիկյան մամուլը գրել էր, որ Մեյվեզերը լիարժեք ծանրաբեռնվածությամբ մարզումներ է անցկացնում եւ պատրաստվում է եւս մեկ մենամարտի:
Հիշեցնենք, որ օգոստոսին Մեյվեզերը տեխնիկական նոկաուտով պարտության մատնեց իռլանդացի Քոնոր Մաքգրեգորին, որը ռեւանշ-մենամարտի հույս ունի:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։