Շերվուդ. Գվարդիոլան կցանկանար հրավիրել Մխիթարյանին
17:52 20 դեկտեմբերի, 2017Հենրիխ Մխիթարյանը համապատասխանում է «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլայի խաղային համակարգին, ասել է Լոնդոնի «Տոտենհեմի» նախկին խաղացող եւ մարզիչ Թիմ Շերվուդը:
«Կարծում եմ՝ Գվարդիոլան կցանկանար հրավիրել Մխիթարյանին: Գնդակ ստանալու, շրջվելու, մրցակցին շրջանցելու որակներով հայ ֆուտբոլիստը համապատասխանում է Գվարդիոլայի խաղաոճին: Մխիթարյանը Գյունդոգանից սուր է գործում: Իլկայը խաղային տեսանկյունից ավելի կայուն է, սակայն Հենրիխն ավելի ստեղծագործող է: Այժմ Մխիթարյանի տեղափոխությունն ավելի հավանական է՝ հաշվի առնելով նրա խնդիրները հայտացուցակում հայտնվելու հետ կապված»,- Շերվուդի խոսքը մեջբերում է dailystar-ը:
Հիշեցնենք, որ Ժոզե Մոուրինյոյի գլխավորած թիմի կազմում Անգլիական լիգայի գավաթի խաղարկության քառորդ եզրափակիչում Չեմպիոնշիփի ներկայացուցիչ «Բրիստոլ Սիթիի» դեմ խաղին մեկնել է նաեւ Հայաստանի հավաքականի 28-ամյա կիսապաշտպան Հենրիխ Մխիթարյանը, որը հայտավորվել է «Մանչեսթեր Յունայթեդի» վերջին 9 խաղերից միայն մեկին՝ դուրս գալով փոխարինման։
«Բրիստոլ Սիթի» - «Մանչեսթեր Յունայթեդ» խաղը կկայանա դեկտեմբերի 20-ին՝ Երեւանի ժամանակով 23:55-ին:
Ավելի վաղ Ժոզե Մոուրինյոն հայտարարել էր, որ հնարավոր է՝ Հենրիխ Մխիթարյանը կմասնակցի այդ հանդիպմանը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.