Հայ մարմնամարզիկները մեդալներ են նվաճել Մոսկվայում
11:43 20 դեկտեմբերի, 2017Հայաստանի ներկայացուցիչները 2 մեդալ են նվաճել Մոսկվայում անցկացվող սպորտային մարմնամարզության օլիմպիական կրկնակի չեմպիոն Միխայիլ Վորոնինի գավաթի խաղարկությունում:
Արթուր Դավթյանը եւ Վիգեն Խաչատրյանը հանդես են եկել թիմային պայքարում եւ, գրանցելով 161,550 միավոր, դարձել են բրոնզե մեդալակիր: Առաջին տեղը գրավել է 166,750 միավոր վաստակած «Դինամո» թիմը, իսկ երկրորդ տեղը գրավեց Ռուսաստանի հավաքականը:
Արթուր Դավթյանը բրոնզե մեդալ է նվաճել նաեւ բազմամարտում, որտեղ հավաքել է 82,200 միավոր: Առաջին տեղը գրավել է ռուս Նիկիտա Նագոռնին (85,600 միավոր), իսկ արծաթե մեդալը բաժին է հասել նրա հայրենակից Նիկիտա Իգնատեւին (83,900 միավոր)
Մրցաշարին մասնակցում են 26 երկրի 164 մարմնամարզիկներ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։