Աշխարհի նախկին չեմպիոնը հրաժարվել է 100 միլիոն դոլարով մենամարտել Մենի Պակյաոյի հետ
09:48 20 դեկտեմբերի, 2017Պրոֆեսիոնալ բռնցքամարտի 4 քաշային կարգերում աշխարհի նախկին չեմպիոն, մեքսիկացի Խուան Մանուել Մարկեսը պատմել է, որ ֆիլիպիցի ներդրողները նրան 100 միլիոն դոլար են առաջարկել ֆիլիպինցի լեգենդար բռնցքամարտիկ Մենի Պակյաոյի դեմ 5-րդ մենամարտի համար, սակայն նա հրաժարվել է: 2 բռնցքամարտիկների միջեւ վերջին՝ չորրորդ մենամարտը կայացել էր 2012-ին, երբ Մարկեսը նոկաուտի էր ենթարկել Պակյաոյին:
«Կար առաջարկ 100 միլիոն դոլարի դիմաց 5-րդ մենամարտն անցկացնել Պակյաոյի հետ: Ես հրաժարվեցի, որպեսզի պահպանեմ իմ փառքն ու պատիվը չորրորդ մենամարտից: Դա մեծ գումար էր, սակայն պատիվն ու հպարտությունն ավելի կարեւոր էր:
Մենք չգիտենք, թե ինչ կլիներ 5-րդ մենամարտում: Մրցավարները կարող էին խոչընդոտել իմ հաղթանակին»,- մեքսիկացի բռնցքամարտիկի խոսքը մեջբերում է BoxingScene-ը:
Հիշեցնենք, որ Մարկեսի ու Պակյաոյի միջեւ 4 մենամարտերում 2 հաղթանակ տարել է ֆիլիպինցին, մեկ անգամ ուժեղ է գտնվել մեքսիկացին, եւս մեկ անգամ գրանցվել է ոչ ոքի: 44-ամյա Խուան Մանուել Մարկեսը կարիերան ավարտել է 2017-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։