Մադրիդի «Ռեալը» պատրաստ է 100 միլիոն եվրո վճարել Մոհամեդ Սալահի համար
00:46 19 դեկտեմբերի, 2017Մադրիդի «Ռեալը» պատրաստ է հաջորդ ամռանը անգլիական «Լիվերպուլի» եւ Եգիպտոսի հավաքականի կիսապաշտպան Մոհամեդ Սալահի համար վճարել 100 միլիոն եվրո, հաղորդում է Calciomercato-ն: Հնարավոր է՝ քննարկվի նաեւ Արքայական թիմի ուելսցի կիսապաշտպան Գարեթ Բեյլին գործարքի մեջ ներառելու եւ «Լիվերպուլին» տրամադրելու տարբերակը:
«Սալահը գերազանց խաղացող է: Նա դա ապացուցել է «Ռոմայում» եւ նույն ոգով շարունակում է «Լիվերպուլում»: Այժմ նա կարեւոր է անգլիական թիմի համար եւ շարունակում է աճել: Նա երիտասարդ է եւ կարող է առաջադիմել»,- 25-ամյա ֆուտբոլիստի մասին ասել էր «Ռեալի» ֆրանսիացի գլխավոր մարզիչ Զինեդին Զիդանը:
Սալահի թեկնածությանը կողմ է նաեւ «Ռեալի» նախագահ Ֆլորենտինո Պերեսը:
Ընթացիկ մրցաշրջանի բոլոր մրցաշարերում Սալահը «Լիվերպուլի» կազմում մասնակցել է 26 հանդիպման, խփել 20 գոլ: Սալահը Եգիպտոսի հավաքականի հետ կմասնակցի 2018թ. աշխարհի առաջնությանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։