Մոսկվայի «Արարատը» քննարկում է Հայաստանում հանդես գալու տարբերակը
00:17 19 դեկտեմբերի, 2017Մոսկվայի «Արարատ» ֆուտբոլային ակումբի ղեկավարությունը քննարկում է Հայաստանի առաջնությունում հանդես գալու տարբերակը, հաղորդում է ռուսական matchtv-ն՝ հղում անելով երկու անանուն աղբյուրների: «Արարատի» ղեկավարների հաշվարկով, ակումբի ֆինանսական հնարավորությունները թույլ չեն տա բարձր նվաճումներ ունենալ Ռուսաստանի առաջնությունում, իսկ Հայաստանի առաջնությունում կկարողանան դառնալ չեմպիոն եւ նվաճել Չեմպիոնների լիգայի որակավորման փուլի ուղեգիր:
«Արարատի» ռազմավարության փոփոխության մասին է վկայում նաեւ հայտնի ֆուտբոլիստներ Մարատ Իզմայլովի, Ռոման Պավլյուչենկոյի, Ալեքսեյ Ռեբկոյի եւ Իգոր Լեբեդենկոյի հետ համագործակցությունն ավարտելու փաստը: Սակայն վերջնական որոշում դեռ ընդունված չէ:
«Արարատը» Ռուսաստանի երկրորդ դիվիզիոնի առաջնության «Կենտրոն» գոտու մրցաշարի առաջատարն է եւ երկրորդ տեղում ընթացող «Ռյազանի» նկատմամբ ունի 13 միավորի առավելություն: Առաջնությունն առաջին տեղում ավարտելու դեպքում, «Արարատը» կստանա առաջին դիվիզիոնի ուղեգիր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։