Ոստիկանությունը հետաքննություն է սկսել «Մանչեսթեր Սիթիի» ֆուտբոլիստի վրա հարձակման առթիվ
15:42 18 դեկտեմբերի, 2017«Մանչեսթեր Սիթիի» կիսապաշտպան Ռահիմ Ստերլինգը տհաճ իրավիճակում է հայտնվել այս հանգստյան օրերին: Ակումբի մարզաբազայի մոտ Անգլիայի հավաքականի ֆուտբոլիստը մի տղամարդու կողմից ռասիստական բնույթի վիրավորանքներ է լսել իր հասցեին: Ստերլինգը մոտեցել է տղամարդուն, որպեսզի պարզի, թե ինչ է տեղի ունեցել: Սակայն տղամարդը հարվածել է 23-ամյա ֆուտբոլիստի ոտքին եւ դիմել փախուստի, հայտնում է The Telegraph-ը:
Մանչեսթերի ոստիկանությունը հետաքննություն է սկսել միջադեպի առթիվ: Դա դիտարկվում է որպես ատելության հողի վրա կատարված հանցագործություն:
Անգլիայի ընթացիկ առաջնությունում Ռահիմ Ստերլինգը մասնակցել է 16 խաղի եւ դարձել 11 գոլի հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։