Ռիո-2016-ի կրկնակի օլիմպիական չեմպիոն Յանա Եգորյանը բրոնզե մեդալ է նվաճել Մեքսիկայի Կանկուն ծովափնյա քաղաքում անցկացված սուսերամարտի աշխարհի գավաթի խաղարկության հերթական փուլում:
Թրամարտի անհատական պայքարում Ռուսաստանի դրոշի ներքո հանդես եկող հայ մարզուհին պարտվել է միայն կիսաեզրափակիչում, որտեղ նրա ճանապարհին կանգնել է ուկրաինացի Օլգա Խարլենը: Եզրափակիչում Խարլենը հաղթել է նաեւ իտալուհի Արիանա Էրիգոյին: Երկրորդ բրոնզե մեդալը բաժին է ֆրանսիացի Սեսիլիա Բերդերին:
Հիշեցնենք, որ Ռիո-2016-ի կիսաեզրափակիչում Օլգա Խարլենին հաղթել էր հենց Յանա Եգորյանը, որը նվաճել էր նաեւ չեմպիոնի տիտղոսը: Նախորդ ամիս Եգորյանը բրոնզե մեդալակիր էր դարձել նաեւ Բելգիայի Սինտ-Նիկլաս քաղաքում անցկացված աշխարհի գավաթի խաղարկության հերթական փուլում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։