«Մանչեսթեր Յունայթեդի» գլխավոր մարզիչ Ժոզե Մոուրինյոն Հայաստանի հավաքականի կիսապաշտպան Հենրիխ Մխիթարյանի հետ համագործակցությունը շարունակելու ցանկություն չունի։
Բրիտանական Mirror-ի տվյալներով, պորտուգալացի մասնագետը ցանկանում է կիսապաշտպանությունում տեսնել Լոնդոնի «Արսենալի» ֆուտբոլիստ Մեսութ Օզիլին։ Գերմանիայի հավաքականի խաղացողը այս մրցաշրջանի ավարտից հետո կստանա ազատ գործակալի կարգավիճակ եւ կարող է անվճար բաժին հասնել «Մանչեսթեր Յունայթեդը»։ «Արսենալի» հետ պայմանագիրը երկարաձգելու մտադրություն չունեցող Օզիլն արդեն հունվարից կարող է բանակցել այլ ակումբի հետ։ Աշխարհի չեմպիոն Օզիլը Մոուրինյոյի ղեկավարությամբ հանդես է եկել Մադրիդի «Ռեալում»։ Պորտուգալացի մարզիչի կարծիքով, 29-ամյա Օզիլը աշխարհի լավագույն խաղարկողներից մեկն է։
Հիշեցնենք, որ Մոուրինյոն Մխիթարյանի բացակայությունը բացատրել էր ներթիմային մրցակցությամբ։
Հայաստաննի հավաքականի ավագի ծառայություններով հետաքրքրված են Դորտմունդի «Բորուսիան» եւ Միլանի «Ինտերը»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։