«Բարսելոնան» վերսկսել է բանակցությունները «Լիվերպուլի» հետ Բրազիլիայի հավաքականի կիսապաշտպան Ֆիլիպե Կոուտինյոյի տրանսֆերի հարցով, հաղորդում է Sport.es-ը: Անգլիական ակումբը 25-ամյա ֆուտբոլիստի համար պահանջում է 140 միլիոն եվրո:
Բրազիլացի Նեյմարին 222 միլիոն եվրոյով ՊՍԺ-ին վաճառելուց հետո կատալոնական ակումբի ֆինանսական հնարավորությունները թույլ են տալիս դիմել այդպիսի ծախսերի:
Եթե գործարքը տեղի ունենա, ապա Կոուտինյոն կդառնա «Բարսելոնայի» ամենաթանկ ձեռքբերումը պատմության մեջ:
Բրազիլացի ֆուտբոլիստը կատալոնական ակումբում հանդես գալու մեծ ցանկություն ունի եւ օգոստոսին նույնիսկ բոյկոտում էր «Լիվերպուլի» մարզումները: Գերմանացի Յուրգեն Կլոպի գլխավորած թիմն ամեն կերպ խոչընդոտեց տրանսֆերին:
Անգլիայի ընթացիկ առաջնությունում Կոուտինյոն մասնակցել է 16 հանդիպման, խփել 9 գոլ, կատարել 7 գոլային փոխանցում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։