FA-ն բացատրություն է պահանջել Մոուրինյոյից
10:22 15 դեկտեմբերի, 2017Անգլիայի ֆուտբոլային ասոցիացիան (FA) «Մանչեսթեր Յունայթեդի» գլխավոր մարզիչ Ժոզե Մոուրինյոյից բացատրություն է պահանջել «Մանչեսթեր Սիթիի» դեմ Պրեմյեր լիգայի 16-րդ տուրի խաղից առաջ կատարած հայտարարության վերաբերյալ: Պորտուգալացի մասնագետը նշել էր, որ «Մանչեսթեր Սիթիի» ֆուտբոլիստներն ընկնում են նույնիսկ թեթեւ քամուց, փոխանցում է Sky Sports-ը:
«Նրանք ունենք հրաշալի ֆուտբոլիստներ եւ ֆանտաստիկ մարզիչ: Սակայն, եթե հարցնեք, թե ինչն ինձ դուր չի գալիս մրցակցի թիմում, կասեմ, որ նրանք շատ արագ են կորցնում հավասարակշռությունը: Մի քիչ քամի, եւ նրանք ընկնում են»,- ասել էր Մոուրինյոն:
Պորտուգալացի մասնագետը պետք է բացատրություն տա մինչեւ դեկտեմբերի 18-ը: Դեռ չի նշվում, թե ինչ պատիժ է սպառնում նրան:
Հիշեցնենք, որ մանչեսթերյան դերբիից հետո 2 թիմերի միջեւ տեղի էր ունեցել զանգվածային բախում, որը, ըստ բրիտանական մամուլի, հրահրել էր հենց Մոուրինյոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։