Հայաստանի ֆուտբոլի ֆեդերացիան սկսել է «Տարվա լավագույն ֆուտբոլիստ» անվանակարգում մրցույթի քվեարկությունը, հայտնում է ՀՖՖ կայքը:
Նախորդ տարիների համեմատ քվեարկության ընթացակարգում կատարվել են որոշակի փոփոխություններ: Այս տարի լավագույն ֆուտբոլիստին ընտրելու են միայն լրագրողները եւ ակումբների ներկայացուցիչները:
Հավակնորդների ցուցակը կարող եք տեսնել այստեղ, իսկ մրցույթի անցկացման կարգը՝ այստեղ:
Հայաստանի Բարձրագույն խմբի 6 ակումբներից 5-ը ներկայացրել են իրենց 5 լավագույն ֆուտբոլիստներին, իսկ «Արարատը» հրաժարվել է՝ պատճառաբանելով, որ չունի համապատասխան թեկնածուներ:
Հիշեցնենք, որ նախորդ 6 տարիներին Հայաստանի լավագույն ֆուտբոլիստ է ճանաչվել «Մանչեսթեր Յունայթեդի» կիսապաշտպան Հենրիխ Մխիթարյանը, որը 7 անգամ է արժանացել այդ մրցանակին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։