Ֆուտբոլի Թուրքիայի հավաքականի գլխավոր մարզիչ Միրչա Լուչեսկուն անդրադարձել է անգլիական «Մանչեսթեր Յունայթեդի» կիսապաշտպան Հենրիխ Մխիթարյանին, որի հետ աշխատել է Դոնեցկի «Շախտյորում»:
«Իմ նախկին սաներից կառանձնացնեմ Հենրիխ Մխիթարյանին: Նա ներկայացնում է Հայաստանը, որտեղ բարձրակարգ ֆուտբոլիստները շատ չեն: Հենրիխը մեծ առաջընթաց գրանցեց իր ու իր ընտանիքի շնորհիվ: Նա խելացի տղա է, գիտի մի քանի լեզու: Նա լավ հարմարվեց թիմին եւ սկսեց մեծ քայլերով առաջ գնալ: Մխիթարյանը լավագույն ֆուտբոլիստներից է, որի հետ երբեւէ աշխատել եմ»,- ռումինացի մասնագետի խոսքը մեջբերում է ՈւԵՖԱ-ի կայքը:
Հիշեցնենք, որ Հայաստանի հավաքականի կիսապաշտպանը «Շախտյորում» Լուչեսկուի գլխավորությամբ խաղացել է 2010-2013-ը: Նա նաեւ սահմանել էր Ուկրաինայի առաջնության ռմբարկուական ռեկորդ՝ մեկ մրցաշրջանում խփելով 24 գոլ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։