Հավանական է Հենրիխ Մխիթարյանի տեղափոխությունը «Ինտեր» վարձակալությամբ
21:10 13 դեկտեմբերի, 2017Իտալական լրատվամիջոցները շարունակում են քննարկել Հայաստանի հավաքականի կիսապաշտպան Հենրիխ Մխիթարյանի հնարավոր տեղափոխությունը «Մանչեսթեր Յունայթեդից» Միլանի «Ինտեր» արդեն ձմեռային տրանսֆերային պատուհանի ժամանակ:
Հեղինակավոր Corriere dello Sport-ը գրում է, որ 28-ամյա հայ ֆուտբոլիստը կարող է «Ինտեր» տեղափոխվել վարձակալությամբ, հետագայում տրանսֆերային իրավունքը գնելու հնարավորությամբ: Սակայն խնդիրն այն է, որ Մխիթարյանը Եվրամիության երկրի քաղաքացիություն չունի, իսկ Իտալիայում գործում է Եվրամիության քաղաքացիություն չունեցող ֆուտբոլիստների քանակի սահմանափակում:
Ավելի վաղ նշվել էր, որ «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն ցանկանում է Մխիթարյանին փոխանակել «Ինտերի» պորտուգալացի կիսապաշտպան Ժոաու Մարիուի հետ: Վերջին շրջանում անգլիական թիմի հայտացուցակից դուրս մնացած Մխիթարյանն արտահերթ հանդիպում էր ունեցել Մոուրինյոյի հետ՝ քննարկելով ստեղծված իրավիճակը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.