Համաշխարհային օլիմպիադա. Հայաստանի Մ-16 թիմը պարտվեց հնդիկներին
00:15 13 դեկտեմբերի, 2017Հնդկաստանում անցկացվող շախմատի մինչեւ 16 տարեկանների Համաշխարհային օլիմպիադայի երրորդ տուրում Հայաստանի հավաքականը խաղացել է Հնդկաստանի երեք թիմերից Green-ի հետ եւ պարտվել է 1.5:2.5 հաշվով: Առաջին խաղատախտակին սպիտակներով հաղթանակ է տարել Արամ Հակոբյանը, երկրորդ համարների պայքարում Շանթ Սարգսյանը սեւերով խաղացել է ոչ ոքի, իսկ երրորդ եւ չորրորդ համարներ Դավիթ Միրզոյանն ու Մամիկոն Ղարիբյանը պարտություն են կրել:
Հայաստանի հավաքականը 4 թիմային միավորով բաժանում է 5-14-րդ տեղերը: Առաջատարներն են Ռուսաստանն ու Հնդկաստան Green-ը՝ 6-ական միավոր: 3-4-րդ տեղերը կիսում են 5-ական միավոր վաստակած Իրանն ու Ուզբեկստանը:
Առաջին երկու տուրերում Հայաստանի թիմը 4:0 հաշվով հաղթել է Շրի Լանկային, 3:1 հաշվով՝ Իսրայելին:
Դեկտեմբերի 13-ին կայանալիք չորրորդ տուրում Հայաստանի հավաքականը կմրցի Իրանի թիմի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։