Մադրիդի «Ռեալի» ֆրանսիացի գլխավոր մարզիչ Զինեդին Զիդանը կարծում է, որ իր թիմի գործերն այնքան էլ վատ չեն ընթանում այս մրցաշրջանում:
«Մենք կարող ենք շատ գոհ լինել, թե ինչպես է դասավորվում մրցաշրջանը մեզ համար: Սակայն հասկանալի է, որ կարող ենք ուժեղացնել մեր խաղը: Բոլորը ցանկանում են «Ռեալի» կատարմամբ տեսնել արժանի խաղ եւ հաղթանակ 4 կամ 5 գոլի տարբերությամբ: Մենք ձգտում ենք այսպիսի հաջողություն ունենալու համար, բայց դա շատ բարդ է: Ինքս եղել եմ ֆուտբոլիստ եւ գիտեմ, որ խաղացողների գործը հեշտ չէ»,- Զիդանի խոսքը մեջբերում է Marca-ն:
Հիշեցնենք, որ Իսպանիայի առաջնության 15-րդ տուրից հետո «Ռեալը» չորրորդ տեղում է եւ 8 միավոր հետ է առաջատար «Բարսելոնայից»: Չեմպիոնների լիգայի 1/8 եզրափակիչում մադրիդցիները մրցելու են ֆրանսիական ՊՍԺ-ի հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։