NBA. «Գոլդեն Սթեյտի» հաղթանակն ու օրվա լավագույն դրվագը Ռասել Ուեստբրուկից

Բասկետբոլի ազգային ասոցիացիայի (NBA) կանոնավոր առաջնության հերթական տուրում գործող չեմպիոն «Գոլդեն Սթեյտն» առանց վնասվածքից ապաքինվող Ստիվեն Կարիի սեփական խաղահրապարակում 111:104 հաշվով հաղթել է «Պորտլենդին»: Հանդիպման ամենաարդյունավետ բասկետբոլիստ ճանաչված Կեւին Դյուրանտը «Գոլդեն Սթեյտի» կազմում վաստակել է 28 միավոր:

Խաղային օրվանից հետո NBA-ի պաշտոնական ալիքը ներկայացրել է լավագույն դրվագների տասնյակը, որը գլխավորում է «Օկլահոմայի» առաջատար Ռասել Ուեստբրուկի տպավորիչ անցումը:

NBA, կանոնավոր առաջնություն

«Գոլդեն Սթեյտ» – «Պորտլենդ»՝ 111:104 (27:28, 33:19, 33:28, 18:29)

«Հյուսթոն» – «Նոր Օրլեան»՝ 130:123 (35:41, 43:35, 18:27, 34:20)

«Օկլահոմա» – «Շառլոտ»՝ 103:116 (26:34, 26:18, 22:40, 29:24)

«Մեմֆիս» – «Մայամի»՝ 82:107 (23:21, 19:24, 18:25, 22:37)

«Չիկագո» – «Բոստոն»՝ 108:85 (28:29, 28:13, 22:21, 30:22)