Marca. Մանչեսթերյան դերբիից հետո բախումը տեղի է ունեցել Իբրահիմովիչի պատճառով
11:42 12 դեկտեմբերի, 2017«Մանչեսթեր Յունայթեդի» եւ «Մանչեսթեր Սիթիի» ֆուտբոլիստների ու մարզիչների միջեւ «Օլդ Տրաֆորդի» հանդերձարանում տեղի ունեցած բախումը սկսվել է շվեդ հարձակվող Զլատան Իբրահիմովիչ պատճառով:
Marca-ի համաձայն՝ «Մանչեսթեր Սիթիի» ֆուտբոլիստները հաղթանակը տոնելիս ծաղրել են «Մանչեսթեր Յունայթեդի» 36-ամյա ֆուտբոլիստին, ինչից հետո կրքերը բորբոքվել են:
«Իբրա, դու շատ ես խոսում, բայց քիչ ես շարժվում»,- ասել են «Մանչեսթեր Սիթիի» ֆուտբոլիստները:
Հիշեցնենք, որ Անգլիայի ֆուտբոլային ասոցիացիան հետաքննություն է սկսել այդ միջադեպի վերաբերյալ:
Ավելի վաղ նշվում էր, որ «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն 1:2 հաշվով պարտությունից հետո հանդերձարանում վիճաբանություն էր ունեցել «Մանչեսթեր Սիթիի» բրազիլացի դարպասապահ Էդերսոնի հետ: Դրանից հետո ֆուտբոլիստների եւ մարզիչների մասնակցությամբ բախում է եղել: Նշվում է, որ զանգվածային բախմանը մասնակցել է 20 մարդ: «Մանչեսթեր Յունայթեդի» բելգիացի հարձակվող Ռոմելու Լուկակուն ջրի շշով հարվածել է «Մանչեսթեր Սիթիի» մարզիչներից Միկել Արտետային, որը ճակատի վնասվածք է ստացել:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։