«Մոուրինյո ավտոբուս» երգը՝ «Մանչեսթեր Սիթիի» ֆանատների կատարմամբ

«Մանչեսթեր Սիթիի» երկրպագուներն Անգլիայի առաջնության 16-րդ տուրի խաղի ժամանակ հիշատակել են «Մանչեսթեր Յունայթեդի» գլխավոր մարզիչ Ժոզե Մոուրինյոյի պաշտպանողական խաղաոճի մասին:

«Օլդ Տրաֆորդ» ստադիոնում նրանք եգել են. «Կայանիր ավտոբուս, կայանիր ավտոբուս «Մանչեսթեր Յունայթեդ»: Կայանիր ավտոբուս՝ խաղալով ֆուտբոլ Մոուրինյոյի ոճով»:

Հիշեցնենք, որ «Մանչեսթեր Սիթին» արտագնա հաղթանակ էր տարել 2:1 հաշվով եւ 11 միավոր առաջ անցել երկրորդ տեղում գտնվող «Մանչեսթեր Յունայթեդից»:

Մինչեւ մանչեսթերյան դերբին «Մանչեսթեր Յունայթեդը» բոլոր մրցաշարերում չէր պարտվել նախորդ 40 տնային խաղերում՝ կրկնելով ակումբային ռեկորդը: Հենրիխ Մխիթարյանը դարձյալ չէր հայտավորվել «Մանչեսթեր Յունայթեդի» կազմում: Հայաստանի հավաքականի 28-ամյա կիսապաշտպան հայտավորվել է «Մանչեսթեր Յունայթեդի» վերջին 7 խաղերից միայն մեկին՝ դուրս գալով փոխարինման: