Պորտուգալիայի նախագահը շնորհավորել է Ռոնալդուին

14:09   8 դեկտեմբերի, 2017

Պորտուգալիայի նախագահ Մարսելու Ռեբելու դի Սոզան շնորհավորել է Մադրիդի «Ռեալի» պորտուգալացի հարձակվող Կրիշտիանու Ռոնալդուին, որը նախօրեին հաղթել էր France Football-ի «Ոսկե գնդակի» քվեարկությունում: 

«Այս մրցանակը Ռոնալդուի կատարած աշխատանքի եւս մեկ վաստակն է: Նա այնքան շատ ուրախություն է պարգեւել պորտուգալացիներին: Շնորհավորում ենք»,- ասվում է Պորտուգալիայի նախագահի շնորհավորանքում, փոխանցում է A Bola-ն:

Հիշեցնենք, որ  Պորտուգալիայի հավաքականի 32-ամյա ֆուտբոլիստը «Ոսկե գնդակին» արժանանում է 5-րդ անգամ՝ հավասարվելով «Բարսելոնայի» արգենտինացի հարձակվող Լիոնել Մեսիին: Ռոնալդուն մրցանակը ստացել էր նաեւ 2008, 2013, 2014 եւ 2016 թվականներին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։