Եվրոպայի լիգա. Յուրգեն Կլինսմանի որդին նորամուտի խաղում հետ է մղել 11 մետրանոց
13:10 8 դեկտեմբերի, 2017Գերմանացի լեգենդար հարձակվող Յուրգեն Կլինսմանի որդի Ջոնաթանը Բեռլինի «Հերտայի» կազմում նորամուտն է նշել Եվրոպայի լիգայի խմբային փուլի վերջին՝ 6-րդ տուրի խաղում: Շվեդական «Էստերսունդի» դեմ տնային խաղում 20-ամյա դարպասապահը հանդես է եկել մեկնարկային կազմում, իսկ 86-րդ րոպեին 11 մետրանոց հարված է հետ մղել 1:1 հաշվի ժամանակ: Հանդիպումն այդպես էլ ավարտվել է, իսկ «Հերտան» 5 միավորով գրավել է խմբի վերջին տեղը եւ լքել պայքարը:
Հիշեցնենք, որ Յուրգեն Կլինսմանը Գերմանիայի հավաքականի կազմում անցկացրել է 108 խաղ եւ խփել 47 գոլ: Նրա որդին ունի ԱՄՆ-ի քաղաքացիություն եւ հանդես է գալիս այդ երկրի երիտասարդական հավաքականում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։