Մադրիդի «Ռեալի» նախագահ Ֆլորենտինո Պերեսը հաստատել է, որ ցանկանում է իր թիմում տեսնել ՊՍԺ-ի բրազիլացի հարձակվող Նեյմարին:
«Շատ բարդ է «Ոսկե գնդակը» տանել Ռոնալդուից ու Մեսիից: Բոլորը գիտեն, որ ես ցանկացել եմ ձեռք բերել Նեյմարին: Մադրիդում նա կունենար «Ոսկե գնդակին» արժանանալու ավելի մեծ շանսեր: «Ռեալն» ակումբ է, որը տալիս է այն ամենը, ինչ հարկավոր է մեծագույն խաղացողին»,- Պերեսի խոսքը մեջբերում է AS-ը:
Հիշեցնենք, որ «Ռեալի» եւ Պորտուգալիայի հավաքականի հարձակվող Կրիշտիանու Ռոնալդուն նախօրեին հաղթել էր France Football-ի «Ոսկե գնդակի» քվեարկությունում: 32-ամյա ֆուտբոլիստը «Ոսկե գնդակին» արժանանում է 5-րդ անգամ՝ հավասարվելով «Բարսելոնայի» արգենտինացի հարձակվող Լիոնել Մեսիին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։