Պուտին. Իշխանությունը չի խոչընդոտի ռուսաստանցի մարզիկների մասնակցությանը ՕԽ-2018-ին չեզոք կարգավիճակում
20:19 6 դեկտեմբերի, 2017Երկրի իշխանությունը չի խոչընդոտի ռուսաստանցի օլիմպիականների մասնակցությանը 2018թ. ձմեռային Օլիմպիական խաղերի չեզոք կարգավիճակում, հայտարարել է Ռուսաստանի նախագահ Վլադիմիր Պուտինը՝ մեկնաբանելով Միջազգային օլիմպիական կոմիտեի որոշումը, որով Ռուսաստանի պատվիրակությունը զրկվել է ՕԽ-2018-ին մասնակցելու իրավունքից հակադոպինգային կանոնադրության խախտումների համար:
«Մենք որեւէ շրջափակում չենք հայտարարի, չենք խոչընդոտի մեր օլիմպիականների մասնակցությանը, եթե նրանցից որեւէ մեկը ցանկանա մեկնել Խաղերին»,- Պուտինի խոսքը մեջբերում է rsport-ը:
ՄՕԿ-ի որոշմամբ, օլիմպիական ուղեգիր նվաճած եւ երբեւէ հակադոպինգային կանոնների խախտում թույլ չտված ռուսաստանցի մարզիկները կմասնակցեն չեզոք կարգավիճակում եւ կկոչվեն «օլիմպիական մարզիկներ Ռուսաստանից»: Նրանց հաղթանակի դեպքում, Ռուսաստանի դրոշը չի բարձրացվի, հիմնը չի հնչի:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։