2017թ. «Ալաշկերտի» լավագույն ֆուտբոլիստների հնգյակը

Ֆուտբոլի Հայաստանի չեմպիոն «Ալաշկերտը» Հայաստանի ֆուտբոլի ֆեդերացիա է ներկայացրել 2017 թվականի իր լավագույն ֆուտբոլիստների հնգյակը, հաղորդում է երեւանյան ակումբի մամուլի ծառայությունը:

1. Արտակ Եդիգարյան, 2. Արտակ Գրիգորյան, 3. Արսեն Բեգլարյան, 4. Միհրան Մանասյան, 5. Ուրոշ Նենադովիչ

«Անցնող տարում Արսեն Բեգլարյանը, Արտակ Եդիգարյանը եւ Արտակ Գրիգորյանը հաջող մրցելույթներ ունեցան նաեւ Հայաստանի ազգային հավաքականի կազմում», գրում է «Ալաշկերտի» կայքը:

Արտակ Եդիգարյանը (9 գոլ), Միհրան Մանասյանը (6 գոլ) եւ Ուրոշ Նենադովիչը (5 գոլ) գլխավորում են ընթացիկ առաջնության ռմբարկուների ցուցակը: Նենադովիչը Չեմպիոնների լիգայի որակավորման փուլում «Ալաշկերտի» խփած չորս գոլերից երեքի հեղինակն է: