Express. «Մանչեսթեր Յունայթեդը» կվաճառի Հենրիխ Մխիթարյանին
15:44 6 դեկտեմբերի, 2017Հայաստանի հավաքականի ավագ Հենրիխ Մխիթարյանը ձմեռային տրանսֆերային պատուհանի ընթացքում, ամենայն հավանականությամբ, կհեռանա անգլիական «Մանչեսթեր Յունայթեդից», գրում է Express-ը: Աղբյուրի համաձայն՝ 28-ամյա կիսապաշտպանն անցանկալի անձ է դարձել Մանչեսթերի «Օլդ Տրաֆորդ» ստադիոնում:
«Մանչեսթեր Յունայթեդը», հավանաբար, կվաճառի Մխիթարյանին: Հայ կիսապաշտպանն արդեն անցանկալի է դարձել «Օլդ Տրաֆորդում»: Այն, որ Հենրիխը չէր հայտավորվել ԲԿՄԱ-ի դեմ ոչինչ չորոշող խաղին, մեծացնում է նրա հեռանալու հավանականությունը: Մոուրինյոն ցանկանում է «պայթուցիկ» ու փոթորիկի պես խաղացող 10 համարի դիրքում: Մխիթարյանն այնքան էլ չի համապատասխանում այդ դերին»,- գրում է կայքը:
Հիշեցնենք, որ Հենրիխ Մխիթարյանը հայտավորվել է «Մանչեսթեր Յունայթեդի» վերջին 6 խաղերից միայն մեկին՝ դուրս գալով փոխարինման: Կիսապաշտպանի ծառայություններով հետաքրքրված է Դորտմունդի «Բորուսիան», որի կազմում նա խաղացել է 2013-2016-ը: Ավելի վաղ նշվում էր նաեւ, որ «Մանչեսթեր Յունայթեդի» գլխավոր մարզիչ Ժոզե Մոուրինյոն դեմ չէ Մխիթարյանին ներառել իտալական «Ինտերի» պորտուգալացի կիսապաշտպան Ժոաո Մարիուի տրանսֆերի գործարքում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։