Պոգբան որակազրկվեց, «Մանչեսթեր Յունայթեդը» չի բողոքարկի

20:50   4 դեկտեմբերի, 2017

Լոնդոնի «Արսենալի» դեմ Անգլիայի առաջնության 15-րդ տուրի խաղում կարմիր քարտ ստանալու համար «Մանչեսթեր Յունայթեդի» կիսապաշտպան Պոլ Պոգբան որակազրկվել է երեք խաղով, հաղորդում է BBC-ն:

«Մանչեսթեր Յունայթեդը» չի բողոքարկի ֆրանսիացի ֆուտբոլիստի որակազրկումը, քանի որ նա խուսափել է լրացուցիչ որակազրկումից գլխավոր մրցավար Անդրե Մարիներին ուղղված ցուցադրական ծափահարության համար: Մրցավարն այդ դրվագի մասին չի նշել զեկույցում:

24-ամյա ֆուտբոլիստը բաց կթողնի «Մանչեսթեր Սիթիի», «Բորնմութի» եւ «Վեստ Բրոմվիչի» դեմ հանդիպումները:

Հիշեցնենք, որ «Մանչեսթեր Յունայթեդը» Լոնդոնում «Արսենալին» հաղթել է 3:1 հաշվով:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։